ФИФА 2023 йилнинг энг яхши футболчиси учун ўтказилган овоз бериш натижаларини эълон қилди. Шунингдек, соврин учун курашда Лионель Мессига ютқазган “ПСЖ” ҳужумчиси ва Франция терма жамоаси сардори Килиан Мбаппе қандай овоз бергани ҳам маълум бўлди.

Килиан Мбаппе 2023 йилнинг энг яхши футболчиси сифатида “Интер Майами” ва Аргентина терма жамоаси ҳужумчиси Лионель Мессини танлади. Килиан “Манчестер Сити” ва Норвегия терма жамоаси ҳужумчиси Эрлинг Холандни иккинчи ўринга қўйди. Учинчи ўринга Мбаппе "Манчестер Сити" ва Бельгия терма жамоаси ярим ҳимоячиси Кевин Де Брюйнени жойлаштирди.

Эслатиб ўтамиз, ФИФА талқини бўйича 2023 йилнинг энг яхши футболчиси совринини Майамининг “Интер” клубининг аргентиналик ҳужумчиси Лионель Месси олди.