"Барселона" бош мураббийи Хави Эрнандеснинг келажаги сўроқ остида.
Cadena Ser нашрининг хабарига кўра, агар жамоа шу ҳафтада ижобий натижаларга эриша олмаса, мутахассис ишдан бўшатилиши мумкин.
"Кўк-анорранглилар"нинг навбатдаги ўйини Испания кубоги 1/8 финалида "Унионистас Саламанка" клубига қарши бўлади. Кейин Эрнандес шогирдлари Испания чемпионатида "Бетис" билан учрашади.
Раҳбарият ушбу учрашувлар натижаларига кўра бош мураббий тақдирини ҳал қилади. Эслатиб ўтамиз, ўтган дам олиш кунлари "Барселона" Испания Суперкубоги финалида "Реал"дан йирик мағлубиятга учради. Каталонияликлар 1:4 ҳисобида имкониятни бой беришди.
