Лиссабоннинг “Спортинг” клуби ҳужумчиси Виктор Дьёкереш шу ой Англияга қайтиши даргумон. Инсайдер Фабрицио Романонинг маълумотларига кўра, "Ковентри"нинг собиқ футболчиси аввалроқ швед форвардига қизиқиш билдираётган Лондоннинг "Челси"сига ўтмайди.
Манбанинг таъкидлашича, "Челси" Дьёкереш учун ҳеч қандай таклиф билан чиқмаган. Боз устига, клуб “Спортинг” билан шартномада 100 миллион евролик товон пули борлиги сабабли ҳужумчини қўлга киритиш қийин бўлишини билади.
Жорий мавсумда Дьёкереш Португалия чемпионатида 11 та гол урди ва 8 та голли узатмани амалга оширди. 25 ёшли Виктор Лиссабоннинг "Спортинг" жамоасида дебют мавсумини ўтказмоқда.
