"Интер Майами" ва Аргентина терма жамоаси ҳужумчиси Лионель Месси Америка клуби машғулотларини ўтказиб юборишни истамагани учун ФИФАнинг "The Best" маросимида қатнашмасликка қарор қилди, шундан сўнг у 2023 йилнинг энг яхши футболчиси деб топилди.
Манбага кўра, аргентиналик футболчи "Интер Майами"нинг янги мавсумига яхши тайёргарлик кўриш истагини билдирган. Ўз навбатида, кеча, 15 январ куни Лондонда бўлиб ўтган маросимда иштирок этиш Мессининг бир неча кунлик машғулотлар жараёнини ўтказиб юборишига сабаб бўлиши мумкин эди.
Таъкидланишича, 36 ёшли футболчи "Интер Майами" билан мавсумолди машғулотларига ўта масъулият билан ёндашади, чунки у МЛС футбол тақвимига тезда мослашишни истайди, бу эса Европадан фарқ қилади.
