"Inter Mayami" va Argentina terma jamoasi hujumchisi Lionel Messi Amerika klubi mashg‘ulotlarini o‘tkazib yuborishni istamagani uchun FIFAning "The Best" marosimida qatnashmaslikka qaror qildi, shundan so‘ng u 2023 yilning eng yaxshi futbolchisi deb topildi.

Manbaga ko‘ra, argentinalik futbolchi "Inter Mayami"ning yangi mavsumiga yaxshi tayyorgarlik ko‘rish istagini bildirgan. O‘z navbatida, kecha, 15 yanvar kuni Londonda bo‘lib o‘tgan marosimda ishtirok etish Messining bir necha kunlik mashg‘ulotlar jarayonini o‘tkazib yuborishiga sabab bo‘lishi mumkin edi.

Ta’kidlanishicha, 36 yoshli futbolchi "Inter Mayami" bilan mavsumoldi mashg‘ulotlariga o‘ta mas’uliyat bilan yondashadi, chunki u MLS futbol taqvimiga tezda moslashishni istaydi, bu esa Yevropadan farq qiladi.