Туркияда ўқув-йиғин машғулотларини ўтказаётган "Насаф" жамоаси бугун биринчи назорат учрашувини ўтказди. "Аждарлар"нинг рақиби Хорватиянинг "Интер" жамоаси бўлди. Жуда қизиқарли ўтган учрашувнинг сўнгги дақиқасидагина хорватлар мағлубиятдан қутулиб қолишди.

Учрашувнинг биринчи бўлимини "Насаф" жамоаси ғалаба билан якунлади. Голларга "Насаф"нинг ёш ярим ҳимоячиси Фарруҳ Сайфиев муаллифлик қилди, у икки марта гол киритиб, дублга эришди.

Биринчи бўлим 2:1 ҳисобида якунланди. "Насаф" жамоасининг бош мураббийи - Рўзиқул Бердиев иккинчи бўлимда кўпроқ ёшларни майдонга туширди. Учрашувнинг сўнгги дақиқаларида вакилларимиз дарвозасидан тўп ўтказиб юборишди. Шундай қилиб, "Насаф" жамоаси биринчи назорат учрашувида дуранг натижа қайд этди. Албатта учрашувдаги ҳисоб муҳим эмас, муҳими ўйинчиларни ўйин амалиётини оширишдир, қолаверса, европа вакиллари билан дуранг натижа қайд этиш - бу жуда яхши ўйин бўлганидан далолатдир. Ушбу назорат учрашуви тафсилотлари ҳақида кейинроқ тўлиқ маълумот бериш ниятидамиз.

Назорат учрашуви. Анталия шаҳри
"Насаф" (Қарши) - "Интер" (Запрешич) 2:2 (2:1)