"Манчестер Юнайтед" Миланнинг "Интер" клубидан таклиф олди. "Нерадзуррилар" ўнг қанот ҳимоячилари алмашинувини ташкил қилишни таклиф қилишди: Симоне Индзаги жамоаси Аарон Ван-Биссака эвазига Дензел Дюмфрисни "Олд Траффорд"га қўйиб юборишга тайёр.

Журналист Чарли Уайтнинг ёзишича, “Манчестер Юнайтед” ҳимоячиларини алмаштиришдан бош тортган. Аввалроқ Дюмфрисга бош мураббий Эрик тен Хаг қизиқаётганди, ҳозир манкунианликлар нидерландиялик футболчининг хизматларига қизиқмаяпти.

Дюмфриснинг "Интер" билан шартномаси бир ярим йилдан кейин тугайди. Милан клуби ёзда ҳимоячини сотиши мумкин.