"Лилль" бош мураббийи Паулу Фонсека Криштиану Роналдунинг аввалроқ Саудия Арабистони чемпионати савияси Франция 1-лигасидан юқори эканлиги ҳақидаги сўзларига жавоб қайтарди.
"Ақлли одамлар унинг нима учун бундай деганини тушунишади", - дея Фонсека сўзларини келтиради Football Tweet.
Жорий мавсумда 38 ёшли Роналду барча турнирларни ҳисобга олган ҳолда 25 та учрашувда қатнашиб, 24 та гол урди ва 11 та голли узатмани амалга оширди.
19 тур натижасига кўра, "Ан-Наср" Саудия Арабистони чемпионати турнир жадвалида 46 очко жамғаришнинг уддасидан чиққан ҳолда иккинчи ўринда бормоқда.
