Машҳур вингер Дуглас Коста ўзига янги жамоа топди.
Инсайдер Фабрицио Романонинг ижтимоий тармоқларда хабар беришича, 33 ёшли бразилиялик футболчи "Флуминенсе"га ўтиш бўйича оғзаки келишувга эришган. Айни пайтда Коста учун шартнома ҳужжатлари тайёрланмоқда ва тиббий кўрикдан ўтказиш режалаштирилган. Шу кунларда Дуглас Бразилияга йўл олади.
Эслатиб ўтамиз, Дуглас Коста асосан Европадаги “Шахтёр”, “Бавария” ва “Ювентус”даги ўйинлари билан танилган.
Transfermarkt портали бразилиялик футболчини 1,5 миллион еврога баҳоламоқда. Коста энди эркин агентга айланди.
