"Реал Мадрид" дарвозабони Андрей Лунин жамоадоши Кепа Аррисабалага устидан жамоасининг биринчи рақамли ўрни учун рақобатда ғолиб чиқди. Бу ҳақда вазиятдан хабардор Relevo нашри хабар берди.

Манбага кўра, Мадрид клуби раҳбарияти Лунинни мавсумнинг биринчи қисмида жамоанинг биринчи рақами сифатида кўришни афзал кўрмоқда. Мадриднинг “Реал” клуби бош мураббийи Карло Анчелотти ҳам худди шундай фикрда. Қайд этилишича, италиялик мутахассис дарвозабонлар ротациясини якунлашга қарор қилган. Энди у мавжуд бўлганлардан бирига ишонмоқчи. Бу Лунин бўлади.