Фаластин терма жамоасининг собиқ бош мураббийи Никола Хадва терма жамоа учун Осиё Кубоги муҳимлигини таъкидлади.
Никола Хадва асли фаластинлик бўлган Чили фуқароси. У 2002 йилдан 2004 йилгача Фаластин терма жамоасини бошқарган.
Мутахассиснинг сўзларига кўра, Осиё кубоги дунёга "Фаластинга бошқача қараш"га имкон беради ва "фаластинликларни шафқатсиз халқ сифатида кўрсатувчи доимий сионистик ташвиқот"га путур етказади.
"Осиё кубогининг Фаластин термаси учун аҳамияти, биринчи навбатда, бутун дунёнинг диққат-эътибори айни дамда ҳужумга учраган ва шафқатсизларча вайрон қилинган Фаластин халқи вакили бўлган жамоанинг ўйинига қаратилганлигидадир.
Мен босиб олинган Фаластинда туғилганман. Мен Қуддусга жуда яқин жойлашган Байт Жала деган шаҳарда туғилганман, шунинг учун Фаластиннинг бугуни, ўтмиши ва келажаги мени ҳар куни ташвишга солмоқда”, — деди Хадва.
