Falastin terma jamoasining sobiq bosh murabbiyi Nikola Xadva terma jamoa uchun Osiyo Kubogi muhimligini ta’kidladi.
Nikola Xadva asli falastinlik bo‘lgan Chili fuqarosi. U 2002 yildan 2004 yilgacha Falastin terma jamoasini boshqargan.
Mutaxassisning so‘zlariga ko‘ra, Osiyo kubogi dunyoga "Falastinga boshqacha qarash"ga imkon beradi va "falastinliklarni shafqatsiz xalq sifatida ko‘rsatuvchi doimiy sionistik tashviqot"ga putur yetkazadi.
"Osiyo kubogining Falastin termasi uchun ahamiyati, birinchi navbatda, butun dunyoning diqqat-e’tibori ayni damda hujumga uchragan va shafqatsizlarcha vayron qilingan Falastin xalqi vakili bo‘lgan jamoaning o‘yiniga qaratilganligidadir.
Men bosib olingan Falastinda tug‘ilganman. Men Quddusga juda yaqin joylashgan Bayt Jala degan shaharda tug‘ilganman, shuning uchun Falastinning buguni, o‘tmishi va kelajagi meni har kuni tashvishga solmoqda”, — dedi Xadva.
