Африка футбол конфедерацияси (CAF) матбуот хизмати Африка кубоги гуруҳ босқичи учун рамзий терма жамоани эълон қилди. Энг яхши 11 нафар футболчига Марокашдан тўрт нафар, Сенегалдан уч нафар, Экваториал Гвинеядан икки нафар, шунингдек, Конго Демократик Республикаси ва Анголадан бир нафардан футболчи кирди.

Африка кубоги гуруҳ босқичининг рамзий терма жамоаси:

Дарвозабон: Хесус Овоно (Экваториал Гвинея).

Ҳимоячилар: Ашраф Ҳакимий (Марокаш), Калиду Кулибали (Сенегал), Наиф Агер (Марокаш), Артур Масуаку (Конго ДР).

Ярим ҳимоячилар: Софьян Амрабат (Марокаш), Аззедин Унаи (Марокаш), Ламине Камара (Сенегал).

Ҳужумчилар: Жасинто Дала (Ангола), Эмилио Нсуе (Экваториал Гвинея), Исмаила Сарр (Сенегал).

Эслатиб ўтамиз, Африка Миллатлар Кубоги-2024 Кот-д'Ивуарда 13 январдан 11 февралга қадар бешта шаҳардаги олтита стадионда (Абиджан, Буаке, Корҳого, Сан-Педро, Ямоуссоукро) бўлиб ўтади. Турнирда 24 та терма жамоа иштирок этади. Кубокнинг амалдаги соҳиби Сенегал жамоаси ҳисобланади. Мусобақада энг кўп ғалаба қозонган (7) Миср терма жамоаси.