Afrika futbol konfederasiyasi (CAF) matbuot xizmati Afrika kubogi guruh bosqichi uchun ramziy terma jamoani e’lon qildi. Eng yaxshi 11 nafar futbolchiga Marokashdan to‘rt nafar, Senegaldan uch nafar, Ekvatorial Gvineyadan ikki nafar, shuningdek, Kongo Demokratik Respublikasi va Angoladan bir nafardan futbolchi kirdi.
Afrika kubogi guruh bosqichining ramziy terma jamoasi:
Darvozabon: Xesus Ovono (Ekvatorial Gvineya).
Himoyachilar: Ashraf Hakimiy (Marokash), Kalidu Kulibali (Senegal), Naif Ager (Marokash), Artur Masuaku (Kongo DR).
Yarim himoyachilar: Sofyan Amrabat (Marokash), Azzedin Unai (Marokash), Lamine Kamara (Senegal).
Hujumchilar: Jasinto Dala (Angola), Emilio Nsuye (Ekvatorial Gvineya), Ismaila Sarr (Senegal).
Eslatib o‘tamiz, Afrika Millatlar Kubogi-2024 Kot-d'Ivuarda 13 yanvardan 11 fevralga qadar beshta shahardagi oltita stadionda (Abidjan, Buake, Korhogo, San-Pedro, Yamoussoukro) bo‘lib o‘tadi. Turnirda 24 ta terma jamoa ishtirok etadi. Kubokning amaldagi sohibi Senegal jamoasi hisoblanadi. Musobaqada eng ko‘p g‘alaba qozongan (7) Misr terma jamoasi.
