Тожикистон терма жамоаси ярим ҳимоячиси, жамоа етакчиларидан бири Алишер Жалилов Россия терма жамоасининг шу кунларда бўлиб ўтаётган Осиё Кубогидаги тахминий иштирокига баҳо берди.

“Менимча, Россия кучли жамоа. У нафақат гуруҳдан чиқарди, балки турнир фаворитларидан бири сифатида ҳам кўриларди. Биласизми, Осиёда кучли жамоалар бор. Булар Япония, Жанубий Корея, Эрон, Австралия, Саудия Арабистони, Қатар ва мен Ўзбекистонни ҳам эслатиб ўтмоқчиман”, — дея Жалиловнинг сўзларини келтиради Metaratings.

Эслатиб ўтамиз, Осиё Кубогида иштирок этаётган Тожикистон терма жамоаси мусобақанинг 1/8 финалида БАА билан тўқнаш келади.