"Тоттенхэм" ва Англия терма жамоасининг собиқ ҳужумчиси Гари Линекернинг фикрича, "Наполи" ҳужумчиси Виктор Осимхен фаолиятини янада ривожлантириш учун Лондоннинг "Арсенал" клубига ўтиши керак.
"Агар мен унинг ўрнида бўлганимда "Арсенал"га ўтган бўлардим. Менимча, "Арсенал" ҳозир ғалаба қозониш учун бир ҳужумчи билан шартнома имзолаши керак. "Челси" рақобатбардош бўлишдан бироз узоқда. Марказий ҳужумчига муҳтож бўлган "Манчестер Юнайтед" ҳали ҳам принципиал жиҳатдан яхшиланишдан йироқ, бу жамоани ҳали узоқ йўл босиб ўтиш керак. Шунинг учун мен унинг ўрнида бўлсам, ғалаба қозонишим мумкин бўлган жойга борган бўлардим", - дея Линекер сўзларини келтиради The Sun.
Эслатиб ўтамиз, аввалроқ "Наполи" президенти Аурелио Де Лаурентис Осимхеннинг неаполликлар клубини тарк этиш ниятидан хабардор эканлигини айтган эди.
