"Барселона" раҳбарияти Каталония клубининг 31 ёшли ярим ҳимоячиси Серхи Роберто билан жорий мавсум охиригача амал қиладиган шартномани узайтирмоқчи эмас. Бу ҳақда AS хабар бермоқда.
Манбага кўра, "Барселона" Робертога яна бир йилга янги шартнома таклиф қилишга тайёр эди, чунки "кўк-анорранглилар" бош мураббийи Хави бу ташаббусни қўллаб-қувватлаган. Бироқ испаниялик мутахассис жорий мавсум якунида “Барселона”ни тарк этишга қарор қилгани боис, Каталония клуби раҳбарлари Роберто билан меҳнат шартномасини узайтиришни мақсадга мувофиқ деб билишмаяпти.
