Испаниянинг “Севилья” клуби ярим ҳимоячиси Иван Ракитич Саудия Арабистонининг “Аш-Шабаб” клубига ўтишдан олдин тиббий кўрикдан ўтди. Бу ҳақда таниқли журналист ва инсайдер Фабрицио Романо хабар берди.
Манбага кўра, ярим ҳимоячи Саудия клубига ўтишини якунлашига бир қадам қолган. Ракитич аллақачон испан клубининг айрим ходимлари билан хайрлашган. Хабар қилинишича, ярим ҳимоячи 30 январгача "Аш-Шабаб"га ўтади ва икки йиллик шартнома имзолайди.