Тажрибали ҳимоячи Фаррух Сайфиев “Навбаҳор” билан шартнома имзолади. Бу ҳақда наманганликлар расмий телеграм-канали хабар берди.
Сайфиев 1991 йил, 17 январда Самарқанд шаҳрида туғилган. Футболчилик фаолияти давомида “Насаф” (Қарши, 2012-2017 йиллар), “Пахтакор” (Тошкент, 2018-2023 йиллар) жамоаларида ўйнаган.
Ўтган мавсумда пойтахтликлар таркибида барча мусобақаларда жами 31 та ўйинда майдонга тушиб, 2 та гол урган ҳолда, 8 та голга ассистентлик қилган. Фаррух Сайфиев 2014 йилдан буён Ўзбекистон миллий терма жамоаси аъзоси.
"Биз Фаррух Сайфиевга “Навбаҳор”даги фаолиятида омад ёр бўлиб, чиройли ўйинлари ҳамда голлари билан “лочинлар”нинг ғалабаларига муносиб ҳиссасини қўшишига тилакдошмиз", - дейилади клуб расмий баёнотида.
