Кеча "Барселона" Жоау Феликс касалхонага ётқизилганини эълон қилди. Каталония клуби, одатдагидек, футболчининг тикланиш шартларини аниқламади, аммо бу борада матбуотда турли хил маълумотлар пайдо бўлмоқда.
ESPN хабарига кўра, Феликс "Наполи"га қарши Чемпионлар лигаси 1/8 финал биринчи ўйинини ўтказиб юбориши мумкин.
Ушбу ўйин Италияда уч ҳафтадан сўнг - 21 февраль куни бўлиб ўтади. Aввалроқ, матбуотда 24 ёшли Феликснинг тикланиш жараёни тахминан тўрт ҳафта давом этиши ҳақида маълумот пайдо бўлган эди.
2023/2024 йилги мавсумда Жоау Феликс 28 та ўйинда 7 та гол урди ва 5 та голли узатмани амалга оширган.
