"Рома"нинг эндиликдаги собиқ бош мураббийи Жозе Моуриньо "МЮ"га қайтиши мумкин. Бу ҳақда журналист Майк Киган хабар бермоқда.
Манбага кўра, португалиялик мутахассис "қизил иблислар"нинг янги раҳбарияти билан ишлашга тайёр. Журналистнинг таъкидлашича, Моуриньо "Манчестер Юнайтед"да тугалланмаган иши бор деб ҳисоблайди.
Эслатиб ўтамиз, португалиялик мураббий 2016 йилдан 2018 йилгача инглиз грандини бошқарган. Бу вақт ичида у жамоа билан Лига кубоги, Англия Суперкубоги ва Европа лигасида зафар қучди.
Аввалроқ, 61 ёшли Моуриньо 2021 йилдан буён ишлаб келаётган Италиянинг “Рома” клуби бош мураббийлигидан озод этилганди.
