"Ювентус" ҳозирги шароитда Массимилиано Аллегри билан шартномани узайтира олмайди. Мутахассиснинг амалдаги шартномаси келаси йилнинг ўрталарида тугайди.
La Gazzetta dello Sport нашрининг янгиланган маълумотларига кўра, "Ювентус" яқин ойларда Аллегрининг шартномаси билан боғлиқ муаммони ҳал қилмоқчи: клуб жамоанинг янги мавсумни шартнома муддати тугаган мураббий бошчилигида бошлашини истамаяпти.
Шу билан бирга, манбага кўра, Аллегри ҳозир олаётган маошга - йилига тахминан 7 миллион еврога умид қила олмайди. Кўринишидан, мураббий клубда ишлашни давом эттирмоқчи бўлса, маошини камайтиришга рози бўлиши керак.
