"Yuventus" hozirgi sharoitda Massimiliano Allegri bilan shartnomani uzaytira olmaydi. Mutaxassisning amaldagi shartnomasi kelasi yilning o‘rtalarida tugaydi.
La Gazzetta dello Sport nashrining yangilangan ma’lumotlariga ko‘ra, "Yuventus" yaqin oylarda Allegrining shartnomasi bilan bog‘liq muammoni hal qilmoqchi: klub jamoaning yangi mavsumni shartnoma muddati tugagan murabbiy boshchiligida boshlashini istamayapti.
Shu bilan birga, manbaga ko‘ra, Allegri hozir olayotgan maoshga - yiliga taxminan 7 million yevroga umid qila olmaydi. Ko‘rinishidan, murabbiy klubda ishlashni davom ettirmoqchi bo‘lsa, maoshini kamaytirishga rozi bo‘lishi kerak.
