Мадриднинг “Реал” клуби “ПСЖ” ҳужумчиси Килиан Мбаппе билан эҳтимолий трансфер борасида музокараларни давом эттирмоқда. Бу ҳақда Remontada Blanca журналистлари хабар бермоқда.
Манбага кўра, ҳозир жараён илғор босқичда. "Лос Бланкос" 25 ёшли ҳужумчига шартнома якунланган тақдирда катта миқдорда бонус ваъда берди. Миқдор тенг қисмларга бўлинади ва шартнома муддати давомида тўланади.
Мбаппе 2018 йилнинг ёзидан буён парижликлар жамоасида ўйнамоқда. Форвард ва клуб ўртасидаги амалдаги меҳнат шартномаси жорий мавсум охирида тугайди.
