Кеча "Бухоро" Украинанинг "Ворскла" клуби билан назорат ўйинини ўтказди. Ўйинда 1:1 ҳисоби қайд этилди. Полтаваликлар ярим ҳимоячиси Павел Ребенок мазкур ўйин борасида ўз фикрларини айтиб ўтди.

"Йиғинларда барча ўйинлар бир хил. Яхши савиядаги жамоалар билан ўйнаш ёқимли. Лекин ном жиҳатдан машҳур бўлмаган шундай жамоалар борки, улар умуман ютқазишни исташмайди. Улардан бири "Бухоро" бўлди. Буни сўз билан ифодалаш қийин, уларни кўриш керак. Яхшиямки, "Бухоро"га ютқазмадик. Ўйин сўнгида ёш футболчилар майдонга чиқишди ва ўйинимизни кучайтиришди. Йиғинлардаги ўйинларнинг натижаси муҳим эмас, асосийси чизиқлар ўртасидаги боғлиқликни мустаҳкамлаш. Олдинда ҳали кўп ўйинлар бор. Биз хатоларни таҳлил қилиб, кейинги ўйинларда ғалаба учун ҳаракат қиламиз", дейди футболчи.