Аввал хабар бериб ўтганимиздек, “Бунёдкор” азолари бугун Анталиядаги иккита назорат учрашуви ўтказишди.

Дастлаввал Польшанинг “Ягеллония” клуби билан беллашган “қалдирғочлар” 1:1 ҳисобидаги дуранг натижа қайд этишди. “Бунёдкор”нинг голига Лутфулла Тўраев муаллифлик қилди. Ушбу учрашув ҳақида аввалги янгиликларимизда батафсил маълумот бериб ўтдик.

Иккинчи учрашувда Молдавия чемпионатида учинчи ўринда бораётган “Тирасполь” клуби спарринг рақибимиз бўлди. Бу ўйинда эса “қалдирғочлар” рақиблари дарвозасига жавобсиз тўртта гол йўллашди. Голларга Анвар Ғофуров, Олег Зотеев, Шавкат Саломов ва Камолиддин Мурзоев муаллифлик қилишди.

Польшанинг “Ягеллония” ва Молдавиянинг “Тирасполь” клубларига қарши кечган назорат учрашувларида Миржалол Қосимов қўл остидаги барча футболчиларга майдонда кўпроқ ўйнаш имконини берди. Шу орқали мураббийлар штаби футболчиларимизнинг бугунги ҳолати ҳақида етарлича хулосаларга келиб олишди.

“БУНЁДКОР” – “ТИРАСПОЛЬ” 4:0 (2:0)
Голлар: Анвар Ғофуров 20, Олег Зотеев 38, Шавкат Саломов 70, Камолиддин Мурзоев 79
“Бунёдкор”: Муроджон Зухуров, Абдуқаҳҳор Хожиакбаров, Анвар Ғофуров, Дилшод Жўраев, Камолиддин Тожибоев, Олег Зотеев, Фозил Мусаев, Шавкат Саломов, Сардор Рашидов, Игорь Таран, Камолиддин Мурзоев