"Хетафе" бош мураббийи Хосе Бордалас "Барселона" бош мураббийи Хави Эрнандеснинг ҳакамларга нисбатан танқидий сўзларига жавоб берди.
“Хавининг гаплари мени ҳайратда қолдирди. Топ-клублар энг кам ҳакамликдан шикоят қилишлари керак. Потенциаллари туфайли улар камтарона жамоаларга қараганда анча кўп имкониятларга эга. Шахсан мен ҳакамларнинг ҳалоллигига ишонаман. Улар ўз соҳаларида профессионаллардир. Мен ҳар бир фикрни ҳурмат қиламан, лекин уларнинг баъзилари мени ҳайратда қолдиради", - дейди мураббий.
Айни дамда “Барселона” Испания чемпионати турнир жадвалида учинчи, “Хетафе” эса ўнинчи ўринни эгаллаб турибди.
