"Рома" бош мураббийи Даниэле Де Росси "Кальяри" билан Италия чемпионатининг 23-тур учрашувида (4:0) сариқ карточка олган аргентиналик Леандро Паредесни танқид қилди.
"Эшитинг, менга ўйинчилар ўз жамоадошларини ҳимоя қилишга ҳаракат қилишлари ёқади, аммо 4:0 ҳисобида олдинда бўлганида улар ақлли бўлишлари керак. Биз бу хатти-ҳаракатни тўхтатишимиз керак, чунки ҳисоб 4:0 бўлганида сариқ карточка олиш ҳақиқатан ҳам аҳмоқлик. Биз бу футболчиларнинг бирортасини ҳам йўқотишга дош бера олмаймиз", - деди Де Росси Football Italia билан суҳбатда.
Эслатиб ўтамиз, Паредес "Кальяри" ярим ҳимоячиси Наитан Нандес билан тўқнаш келгани учун сариқ карточка олган эди.
Айни дамда "Рома" 38 очко билан Италия чемпионати турнир жадвалида 5-ўринни эгаллаб турибди.
