Каталониянинг "Барселона" клуби президенти Жоан Лапорта мавсум охирида "Ливерпул"ни тарк этадиган Юрген Клоппни бош мураббий этиб тайинлашни орзу қилмоқда.
Бу ҳақда Sport.es нашри хабар бермоқда. Манбанинг қайд этишича, Клопп “Барселона” раҳбарияти билан икки йил аввал музокара олиб борган, бироқ кейинчалик томонлар келишувга эриша олмаган.
Эслатиб ўтамиз, аввалроқ Юрген "Ливерпул"дан кетганидан кейин бир йил танаффусга чиқишига ишонтирганди. Бироқ, Лапорта ва "Барселона" спорт директори Деку Клоппни тезроқ бошқарувни ўз зиммасига олишга кўндиришга ҳаракат қилади. Клопп бошчилигидаги “Ливерпуль” айни дамда Англия Премьер-лигаси турнир жадвалида пешқадамлик қилмоқда.
