"Барселона" топ мураббийни таклиф қилишни мақсад қилган.
Diario Sport нашри хабарига кўра, каталонияликлар халқаро миқёсда ва топ-жамоаларда бой тажрибага эга бўлган мураббийни топмоқчи. Бундай мутахассисларни таклиф қилиш имкони бўлмаса, раҳбарият Рафаэль Маркесни танлаши мумкин.
"Барселона" аллақачон Тьяго Мотта ("Болонья") ва Мичел ("Жирона") каби номзодларни рад этган. Каталонияликларга Антонио Контени ("Интер"нинг собиқ устози) тайинлаш ҳам таклиф қилинганди, аммо унинг ўйин фалсафаси "Барселона" услубига тўғри келмайди.
"Кўк-анорранглилар" президенти Жоан Лапорта Юрген Клоппни ("Ливерпуль") таклиф қилмоқчи, аммо бу вариант жуда даргумон.
