Алвес иши бўйича полиция ходимининг айтишича, камера тасвирлари шикоятчининг ҳикоясини тасдиқлайди.

Эслатиб ўтамиз, кеча "Барселона" ва Бразилия терма жамоасининг собиқ ҳимоячиси устидан суд бошланди. Дани Алвес 2022 йил декабрь ойида Барселонадаги "Саттон" тунги клубида аёлни зўрлаганликда айбланиб, 2023 йил январидан бери ҳибсда сақланмоқда. 14 ноябрь куни суд терговни якунлагани маълум бўлди. Прокуратура футболчига 9 йил қамоқ жазосини талаб қилмоқда.

Бу иш бўйича суд жараёни 5-7 февраль кунлари давом этади.

Каталония полицияси Mossos d’Esquadra офицери иш юзасидан гувоҳлик берди. Бу полиция ходими (жинси ва исми кўрсатилмаган) зўрлангани тахмин қилинганидан кейин қиз билан биринчи бўлиб мулоқот қилган.

"У ўзини ёмон ҳис қилди, титраб кетди, йиғлади. Биз уни узоқ вақт тинчлантиришга мажбур бўлдик, чунки у гапира олмади.

Унинг сўзларига кўра, бу одам (Алвес) унинг жинсий аъзоларига ичкаридан тегиб турган жойидан чиқиб кетишига рухсат бермаган.

У пулга муҳтож эмаслигини, адолатни хоҳлаётганини айтди. Биз унга фактларни хабар қилиш ёки бермаслик борасида маслаҳат бердик" - деди полиция ходими.

Полиция ходимининг таъкидлашича, клубнинг видеокузатув камераси тасвирлари даъвогарнинг версиясини тўлиқ қўллаб-қувватлайди.

Бундан ташқари, гувоҳлик берган кўплаб полициячилар содир бўлган воқеа ҳақида гапирганда, қизнинг оғир ҳиссий ҳолатини эсладилар.