Туркиядаги йиғин давомида "Пахтакор" клуби кеча Венгриянинг "Диошгёр" клуби билан назорат учрашувини ўтказди. Мурод Исмоилов ушбу ўйинда Ўзбекистон ёшлар терма жамоасининг бир неча нафар ўйинчисини майдонга туширгнаи эътиборга молик. Максимильян Фомин, Владимир Козак, Игорь Сергеев асосий таркибда ҳаракат қилган бўлсалар, Жамшид Искандаров захирадан майдонга туширилди.

Ўйиннинг 6-дақиқасида вакилларимиз ҳисобни очишди. Ўнг қанотдан узатилган бурчак тўпидан кейин тўп жамоа сардори Кахи Махарадзега келиб тушди ва у зарбада адашмади.

"Гиошдёр" жамоаси бош мураббийи Шентес Лазарес ўйин ҳақида фикр билдирар экан: "Ўйин темпи юқори бўлди. Аммо ҳар иккала дарвоза олдида хавфли вазиятлар кам бўлди. Ўйин тақдирини битта бурчак тўпи ҳал қилди. Бу вазиятда ҳимоячи рақиб футболчисини йўқотиб қўйди. Ўйиннинг ўзи эса жамоамиз учун фойдали бўлди", дея айтиб ўтди.

Махарадзе ғалаба тўпига муаллифлик қилиш билан бирга, сариқ ва қизил карточка олгани билан ўйин қайдномасидан жой олди.

Назорат ўйини
"Пахтакор" - "Диошгёр" (Венгрия) - 1:0
Гол: Кахи Махарадзе (6)
Огоҳлантиришлар: Фомин (21), Махарадзе (59), Ҳошимов (85) — Сейди (44), Уивер (75)
Четлатиш: Махарадзе (87)
"Пахакор": Лобанов, Мерзляков, Козак (Ўрунов 78), Фомин (Маматказин 71), Ҳошимов, Андреев, Махарадзе (с), Шарофетдинов, Оганесян (Искандеров 53), Каримов (Шихов 55), Сергеев.
Бош ҳакам: Тигран Хосепян (Арманистон)