Лондоннинг "Тоттенхэм" клуби техник директори Йохан Ланге "шпорлар" нима учун "Женоа"дан марказий ҳимоячи Раду Дрэгушинни сотиб олишга қарор қилганини тушунтирди.
Эслатиб ўтамиз, Италия клуби 22 ёшли футболчи учун 25 миллион евро товон пули олганди. “Дрэгушин узоқ вақт давомида “Женоа”да ўзини жуда яхши кўрсатди. У ажойиб тезликка эга ва яккама-якка курашларда ҳам яхши.
У эндигина 22 ёшга тўлди. Раду жуда ёш, катта салоҳиятга эга футболчи. У жамоага жуда тез қўшилди, аммо келажакда ундан ҳам яхшироқ бўлишини кутамиз", - дея Лангенинг сўзларини келтирмоқда The Spurs Express.
