Франция терма жамоаси ва "Милан" ҳимоячиси Тео Эрнандес "ПСЖ" ҳужумчиси Килиан Мбаппенинг "Реал"га ўтиши ҳақидаги маълумотларга жавоб берди.
“Мен Мбаппе билан бу борада ҳеч қачон гаплашмаганман. Аммо Килиан ақлли йигит, у фаолияти учун энг яхши қарорни қабул қилади. Энг муҳими, у ўзини бахтли ҳис қилиши", - деди Эрнандес.
ОАВда Мбаппенинг "Реал"га ўтиши ҳақида узоқ вақтдан бери миш-мишлар тарқалди. 25 ёшли ҳужумчи келаси ёзда эркин агент сифатида Мадрид клубига ўтиши кутилмоқда.