"Барселона"нинг 16 ёшли футболчиси Ламин Ямаль "Гранада"га (3:3) қарши ўйиндан сўнг интервью берди. Ёш вингер дубл қайд этиб, учрашув қаҳрамонига айланди, аммо бу "кўк-анорранглилар"га ўз майдонида ғалаба қозонишга ёрдам бермади.
"Энди мен ўйиннинг энг яхши ўйинчиси соврини ҳақида эмас, балки ғалаба қозониш учун қўлдан бой берилган имконият ҳақида ўйлайман. Биз жуда кўп гол ўтказиб юборамиз, яхшиланишимиз керак. Чемпионат якунига қадар ҳали кўп ўйинлар бор, етакчи жамоалар ҳам очко йўқотиши мумкин. Биз ишлашда давом этишимиз ва барча имкониятлардан фойдаланишимиз керак", - дея Ямаль сўзларини келтиради Barca Universal.
