"Тоттенхэм", "Ливерпуль" ва Англия терма жамоасининг собиқ ярим ҳимоячиси Жейми Реднапп Хаби Алонсонинг мерсисайд клуби бош мураббийи лавозимига тайинланиши мумкинлиги ҳақида гапирди.
“Бу унинг учун катта таваккал, лекин айни пайтда ажойиб имконият. Бир умрлик имконият, эҳтимол. Юрген Клопп - футболдаги катта фигура, энг буюк ва уни алмаштириш осон бўлмайди. Лекин Хаби албатта мухлисларнинг қўллаб-қувватлашига эга бўлади. Ҳамма унга ишонади. Ва мен шунчаки Алонсодек бўладиган бошқа номзодларни кўрмаяпман", - дея Реднапп сўзларини келтиради Sky Sports.
Эслатиб ўтамиз, аввалроқ мерсисайдликлар Алонсонинг келаси мавсумда "Ливерпул"га бош мураббий этиб тайинланишини муҳокама қилишаётгани ҳақида маълумот пайдо бўлганди. Испаниялик мутахассис музокараларга қарши эмас, аммо мавсум охиригача ҳеч қандай қарор қабул қилмайди.
