Ўзбекистонлик футболчи Иброҳимхалил Йўлдошев Қозоғистон Премьер Лигасининг энг қиммат трансферлар топ-5 лигидан жой олди.

Январь ойида “Нижний Новгород”дан “Қайрат” жамоасига ижара асосида ўтган Иброҳимхалил рўйхатда 3-ўринни эгаллаб турибди.

22 ёшли футболчи ўтган мавсум Россия клуби сафида 6 та ўйинда майдонга тушган. Йўлдошев Қозоннинг “Рубин” жамоасидан бўлган қизиқишларга қарамасдан, Қозоғистон клубини танлади ва 2024 йил охирига қадар “Қайрат” шарафини ҳимоя қиладиган бўлди. Унинг Transfermarkt маълумотларига кўра, трансфер қиймати 800 минг еврони ташкил этади.

Қозоғистон чемпионатига январь ойида ташриф буюрган энг қиммат футболчилар топ-5 лиги:

1. Габи Кики (“Актобе”) — 1 миллион евро;

2. Радослав Цонев (“Тобол”) — 900 минг евро;

3. Иброҳимхалил Йўлдошев (“Қайрат”) — 800 минг евро;

4. Иван Миладинович (“Тобол”) — 700 минг евро;

5. Аҳмад Эл-Мессаудий (Тобол) — 500 минг евро.