"Челси" бош мураббийи Маурисио Почеттино ўнг қанот ҳимоячиси Мало Гюстонинг жорий мавсумдаги ўйинлари ҳақида фикр билдирди.
“У жуда ёш. Рис Жеймс жароҳат олгани учун Мало тез-тез ўйнайди. Бу мавсумда ҳаммамиз ундан яхши нарсаларни кўрдик, лекин у ўзини яхшилаши керак. Бу жараён бироз вақт талаб этади”, деди Почеттино матбуот анжуманида.
Кеча Гюсто "Челси"га Конор Галлагерга узатма билан "Кристал Пэлас" устидан 3:1 ҳисобида ғалаба қозонишга ёрдам берди. 20 ёшли Мало Премер-лиганинг жорий мавсумида 4 та голли узатмани амалга оширди.
