"ПСЖ" ҳужумчиси Килиан Мбаппе жамоа раҳбариятига унинг кетиш ҳақидаги қарори якуний эканини айтди. Журналист Фабрицио Романонинг хабарига кўра, франциялик футболчи кетиш ҳақидаги фикридан қайтмайди.
Мбаппе шунингдек, "ПСЖ"га раҳбарият уни яна бир бор ишонтиришга ҳаракат қилса, шартномани узайтириш бўйича таклифларни ҳам кўриб чиқмаслигини айтди. Мбаппе келаси ёзда эркин агентга айланади, шундан сўнг у янги жамоага ўтади.
Ҳозирча трансфер фаворити франциялик форвардни узоқ вақтдан бери сотиб олишга уринаётган "Реал Мадрид". Жорий мавсумда Мбаппе Франция чемпионатининг 19 та учрашувида 20 та гол урди ва 4 та голли узатмани амалга оширди.
