"ПСЖ" бош мураббийи Луис Энрике жорий мавсум якунланганидан кейин франциялик ҳужумчи Килиан Мбаппенинг жамоани тарк этиши ҳақидаги хабарга илк бор муносабат билдирди.
"Йўқ. Сизга айтадиган маълумотим йўқ", - дея Энрике сўзларини келтиради журналист Адриен Греньер.
Эслатиб ўтамиз, аввалроқ франциялик футболчи "ПСЖ" раҳбариятига мавсум якунида кетишини маълум қилгани ҳақида маълумот пайдо бўлган эди. Бундан ташқари, "Реал" президенти Флорентино Перес мураббийлар штабига Мбаппе "Қироллик клуби" футболчисига айланиши ҳақида аллақачон хабар бергани хабар қилинганди. Бундан ташқари, француз Мадридда фаол равишда уй-жой қидираётгани ҳақида маълумот бор.
