Хаби Алонсо "Байер"да ажойиб натижалар кўрсатмоқда ва миш-мишлар бу ёш мутахассисни нуфузлироқ клублар билан боғлайди. Миш-мишларга кўра, "Ливерпуль" ва "Бавария" ёзда Алонсони таклиф қилмоқчи.
Transfer News Live нашрининг хабар беришича, ҳозирги шароитда Алонсо "Бавария"дан кўра "Ливерпул"га ўтишни афзал кўрмоқда. Ҳозирда Германия чемпионати турнир жадвалида “Байер” пешқадамлик қилмоқда. Жамоа сўнгги турда “Бавария”ни 3:0 ҳисобида мағлуб этиб, фарқни беш очкога етказди.
Олдинроқ Алонсо кейинги мавсумни Леверкузенда ўтказмоқчи эканлиги ҳақида маълумотлар пайдо бўлганди.
