Москванинг "Спартак" клуби собиқ футболчиси Евгений Ловчев ЦСКАда ўйнаётган ҳамюртимиз Аббосбек Файзуллаев ҳақида юқори гапирди.
20 ёшли Ўзбекистон терма жамоаси аъзоси жорий мавсумда барча турнирларда 18 та ўйинда майдонга тушиб, 2 та гол урди ва 9 та голли узатмани амалга оширди.
"Агар сизда гол ура оладиган бир нечта ҳужумчилар бўлса, бу жуда муҳим. Файзуллаевнинг чемпионатнинг биринчи даврасидаги ўйинига қойил қолдим.
Мен анчадан бери бундай чиройли кўринишдаги футболчини кўрмаган эдим" - деди собиқ "Спартак" футболчиси.
