Лондоннинг “Арсенал” клуби АПЛнинг йигирма бешинчи туридан ўрин олган “Бёрнли”га қарши ўйинни ажойиб ўтказди, Микель Артета шогирдлари рақибни 5:0 ҳисобида мағлуб этишди.
Бу “Арсенал”нинг 2024-йил бошидан бери Англия чемпионатидаги қаторасига бешинчи ғалабаси бўлди.
Лондон клуби илгари ҳеч қачон йил бошидан бери кетма-кет бешта ўйинда ғалаба қозонмаган эди. Улар “Кристал Пэлас”ни 5:0, кейин “Ноттингем Форест”ни (2:1), кейин “Ливерпул”ни 3:1, “Вест Хэм”ни 6:0 ҳисобида мағлуб этишди ва ниҳоят энди “Бёрнли” устидан 5:0 ҳисобида ғалаба қозонишди.
