"Атлетико Мадрид" ва Каталониянинг "Барселона" клублари "Хетафе" футболчиси Мэйсон Гринвудга қизиқиш билдирмоқда.
Хабарларга кўра, Гринвуднинг трансфер ҳуқуқи тегишли бўлган "Манчестер Юнайтед" англиялик футболчининг трансфери учун 40 миллион евро олишни истамоқда.
Эслатиб ўтамиз, Гринвуд "Манчестер Юнайтед" футболчиси ҳисобланади. У ўтган йилнинг сентябрь ойида "Хетафе"га ижара асосида ўтган эди.
Жорий мавсумда Мэйсон испан клуби сафида барча турнирларда 24 та ўйин ўтказиб, 7 та гол ва 5 та голли узатмани амалга оширди. Шу билан бирга, Transfermarkt интернет портали маълумотларига кўра, 22 ёшли форварднинг бозор қиймати 7,5 миллион еврони ташкил қилади.
