"Ливерпуль" ёзда "Кристал Пэлас" марказий ҳимоячисини сотиб олишни мақсад қилган. Журналист Мэтт Лоу берган маълумотларга кўра, гап Лондоннинг "Челси" клуби тарбияланувчиси Марк Гехи ҳақида кетмоқда. Манбанинг таъкидлашича, англиялик узоқ вақтдан бери мерсисайдликлар шорт-листидан жой олган, аммо янги мураббий Гехи номзодини рад этса, клубнинг нияти ўзгариши мумкин.

Қайд этилишича, “Кристал Пэлас” устози Оливер Гласнер ўз жамоасида асосий футболчиларни сақлаб қолиш ниятида. Айни вақтда янги марказий ҳимоячи излаётган “Манчестер Юнайтед” Гехи учун курашда “Ливерпуль” билан рақобатлашишга тайёр.