Қозоғистоннинг Профессионал хоккей Лигасида иштирок этаётган «Ҳумо» хоккей клуби кеча плей-офф босқичида ўз иштирокини бошлади. Жамоамиз мунтазам чемпионатда иккинчи ўринни олгани учун плей-офф 7-ўринни банд этган Қозоғистоннинг "Сариарқа" клубига қарши ўтказиши маълум бўлганди.

Кеча ўтказилган дастлабки ўйинда "Ҳумо", кутилмаганда, катта муаммоларга дуч келди. Меҳмонлар ўйин бошидан ҳужумга ташланишди ва 2 та гол уриб олишди. Тошкентликлар эса тезда жавоб қайтариб, мувозанатни тиклашди.

Аммо "Сариарқа" иккинчи бўлим охирига қадар яна гол урган бўлса, улар учинчи бўлим бошида бешинчи шайбани дарвозамизга жойлаб қўйди — 2:5.

"Ҳумо" шунга қарамай, 5 дақиқа ичида 3 та гол уриб, ҳисобни тенглаштирди.

Шундан сўнг навбат қўшимча бўлимларга берилди. Тўртинчи 20 дақиқаликда ҳисоб ўзгармаган бўлса, бешинчи бўлимнинг 4-дақиқасида Қарағандадан ташриф буюрган жамоа ғалабани илиб кетишди.

Шу тариқа, «Сариарқа» ҳисобда олдинга ўтиб олди. Бир жамоа 4 та ғалаба қозонгунча серия давом этади. Бугун жамоалар иккинчи баҳсни ўтказишади. Ўйин Тошкент вақти билан 19:30да старт олади.

Хоккей, Пролига. плей-офф, 1-ўйин
«Ҳумо» (Тошкент, Ўзбекистон) - «Сариарқа» (Қарағанда, Қозоғистон) - 5:6 ОТ (1:2, 1:2, 3:1, 0:0, 0:1)
Голлар:
0:1 — Глеб Зайцев (Лизин) 05:11
0:2 — Тимур Шингареев (Стулов) 17:43 - бол.
1:2 — Вадим Шчегольков (Сорокин, Чеботарёв) 18:44
2:2 — Павел Синявский (Назаревич, Гловацкий) 21:03 - бол.
2:3 — Руслан Дёмин (Зайцев) 26:37 - мен.
2:4 — Руслан Дёмин 30:48
2:5 — Александр Коннов 43:17 - бол.
3:5 — Илья Назаревич (Кравченко, Гловацкий) 50:58 - бол.
4:5 — Вадим Шчегольков 51:36
5:5 — Павел Синявский (Сорокин) 56:16
5:6 — Глеб Зайцев (Лизин, Коннов) 83:54
Дарвозабонлар: Шаймарданов - Микушин (Коваль 37:46).
Жарима дақиқалар: 16-12.
Ҳакамлар: Морев, Субботин.
20.02.2024. Тошкент, «Хумо Арена», 3875 томошабин.