Qozog‘istonning Professional xokkey Ligasida ishtirok etayotgan «Humo» xokkey klubi kecha pley-off bosqichida o‘z ishtirokini boshladi. Jamoamiz muntazam chempionatda ikkinchi o‘rinni olgani uchun pley-off 7-o‘rinni band etgan Qozog‘istonning "Sariarqa" klubiga qarshi o‘tkazishi ma’lum bo‘lgandi.

Kecha o‘tkazilgan dastlabki o‘yinda "Humo", kutilmaganda, katta muammolarga duch keldi. Mehmonlar o‘yin boshidan hujumga tashlanishdi va 2 ta gol urib olishdi. Toshkentliklar esa tezda javob qaytarib, muvozanatni tiklashdi.

Ammo "Sariarqa" ikkinchi bo‘lim oxiriga qadar yana gol urgan bo‘lsa, ular uchinchi bo‘lim boshida beshinchi shaybani darvozamizga joylab qo‘ydi — 2:5.

"Humo" shunga qaramay, 5 daqiqa ichida 3 ta gol urib, hisobni tenglashtirdi.

Shundan so‘ng navbat qo‘shimcha bo‘limlarga berildi. To‘rtinchi 20 daqiqalikda hisob o‘zgarmagan bo‘lsa, beshinchi bo‘limning 4-daqiqasida Qarag‘andadan tashrif buyurgan jamoa g‘alabani ilib ketishdi.

Shu tariqa, «Sariarqa» hisobda oldinga o‘tib oldi. Bir jamoa 4 ta g‘alaba qozonguncha seriya davom etadi. Bugun jamoalar ikkinchi bahsni o‘tkazishadi. O‘yin Toshkent vaqti bilan 19:30da start oladi.

Xokkey, Proliga. pley-off, 1-o‘yin
«Humo» (Toshkent, O‘zbekiston) - «Sariarqa» (Qarag‘anda, Qozog‘iston) - 5:6 OT (1:2, 1:2, 3:1, 0:0, 0:1)
Gollar:
0:1 — Gleb Zaysev (Lizin) 05:11
0:2 — Timur Shingareev (Stulov) 17:43 - bol.
1:2 — Vadim Shchegolkov (Sorokin, Chebotaryov) 18:44
2:2 — Pavel Sinyavskiy (Nazarevich, Glovaskiy) 21:03 - bol.
2:3 — Ruslan Dyomin (Zaysev) 26:37 - men.
2:4 — Ruslan Dyomin 30:48
2:5 — Aleksandr Konnov 43:17 - bol.
3:5 — Ilya Nazarevich (Kravchenko, Glovaskiy) 50:58 - bol.
4:5 — Vadim Shchegolkov 51:36
5:5 — Pavel Sinyavskiy (Sorokin) 56:16
5:6 — Gleb Zaysev (Lizin, Konnov) 83:54
Darvozabonlar: Shaymardanov - Mikushin (Koval 37:46).
Jarima daqiqalar: 16-12.
Hakamlar: Morev, Subbotin.
20.02.2024. Toshkent, «Xumo Arena», 3875 tomoshabin.