"Бавария" бош мураббийи Томас Тухель жорий мавсум якунида жамоани тарк этади.
Бу ҳақда бугун, 21 феврал куни клуб матбуот хизмати хабар берди. Мюнхен гранди Тухель ўрнига устувор номзодни танлади.
Инсайдер Флориан Плеттенбергнинг сўзларига кўра, "Бавария" раҳбарияти ёзда "Байер" бош мураббийи Хаби Алонсони таклиф қилмоқчи. Испаниялик мураббийни Мюнхен жамоасидан ташқари “Ливерпуль” ҳам таклиф қилмоқчи.
Эслатиб ўтамиз, Тухель бошчилигида мюнхенликлар кетма-кет уч марта мағлубият аламини тотиб кўрганди. Жамоа Бундеслигада пешқадам "Байер"дан 8 очко ортда қолмоқда.
