Леверкузеннинг "Байер" клуби ёзда бош мураббийи Хаби Алонсони қўйиб юборишга тайёр.
Журналист Фабрицио Романо берган маълумотларга кўра, испаниялик мураббий тегишли қарорни қабул қилса, эркин агент сифатида кетиши мумкин бўлади.
Алонсонинг "Байер" билан шартномасида ҳеч қандай товон пули кўрсатилмаган. "Доришунослар" мутахассисни бошқа клубда янги саҳифа очишга қарор қилса, уни текинга қўйиб юборишга тайёр бўлади.
Эслатиб ўтамиз, Хаби Алонсо аввалроқ футболчи сифатида ўйнаган икки топ-клуб бош мураббийлиги учун асосий мақсад ҳисобланади. Гап "Ливерпуль" ва "Бавария" ҳақида кетмоқда.
