"Бавария" бош мураббийи Томас Тухель кейинги мавсумда қаерда ишлаши ҳақида ўйламоқда. Бугун мюнхенликлар немис мураббийи мавсум якунида жамоани тарк этишини расман эълон қилди.
Журналист Мэтт Лоунинг маълумотларига кўра, Тухель "Барселона" билан ишлаш вариантидан ташқари, аввалроқ Лондоннинг "Челси"сини бошқарган Англия Премьер-лигасига қайтиш имкониятини ҳам кўриб чиқмоқда. Томаснинг яқин келажакда Англия термасини бошқариши эҳтимоли ҳам бор. Немис мураббийи Гарет Саутгейт ўрнига "Уч шерлар"ни бошқаришга номзодлардан бирига айланди.
Эслатиб ўтамиз, Премьер-лиганинг топ-клублари орасида “Ливерпуль” ёзда мураббийсиз қолади.
